Path:
Analecta critica et exegetica ad sex. propertii elegiarum librum primum. Particula prima. Scripsit O. Tappe

Full text: Festschrift zu dem funfzigjährigen Jubiläum der Königstädtischen Realschule zu Berlin (Public Domain)

7« 
ANALECTA CRtTICA ET EXEGETICA 
Quae cum ita sint, nobis nequaquam licet mirari, quod codices 
Propertiani sine ulla exceptione admodum corrupti et alii modo aliis 
peiores sunt, praesertim cum cuncti aetatis sint recentissimae et iam 
temporibus antiquissimis opera auctorum mendosissime describerentur, 
quod praeter alios etiam Cicero 7 ) contestatur. Proinde critici Pro 
pertiani sane maximis impedimentis conflictantur, sed ex his 
sese longe plurimi eo expedite solent, quod librorum manuscriptorum 
vestigiis paene prorsus posthabitis suum solum arbitrium sequuntur 
et tamquam scripta tironum expurgantes multo minus ratione conii- 
ciunt quam suam ad libidinem corrigunt. 8 9 ) Testis adeo est Lach- 
mannus, utpote qui non paucas, sed plurimas in Propertii editione 
Lipsiensi a se factas coniecturas in editione Berolinensi reprobaverit 
et lectiones a se vehementer explosas restituerit. Hie tarnen valde 
dolendum est, quod non simul etiam alium errorem et eum quidem 
perquam mirabilem correxit. Dico eius celebratissimam libri secundi 
in duos divisionem, cuius causam primariam (ut secundarias iam ab 
Hertzbergio sat refutatas praeteream) in II, i3, 25. sq. reperit, ubi 
legimus; Sat mea sat inagna est, si tres sint pompa libelli, quos ego Pcr- 
sephonac maxima dona feram. Quidni autem, qui librum secundum ob 
tres libelli in duos divisit, idem perinde iam librum primum elegia 
decima finivit, cum in undecimae v. 19. sq. haec legeret: Ignosces 
igitur, si quid tibi triste libelli attulerint fiostri atque in libro primo non 
magis de pluribus quam in libro secundo de tertio sermo fieri posset? 
Est vero neque liber primus neque secundus dividendus, sed tantum 
vox libelli utroque loco tandem recte explicanda, quam Lachmannus 
ceterique critici Propertiani omnes ad unum seats intellexerunt, cum 
genitivum canninum suopte ingenio supplerent. Quam falsum enim 
hocce sit supplementum, et aliunde maximeque ex I, 11, 19. sq. 
apparet, quoniam sine dubio non carminum libellos, sed singula tantum 
carmina Propertius ad Cynthiam mittere solebat. Idem igitur voca- 
bulo libelli nihil nisi poematia designavit. “) Nimirum voces libri et 
libelli saepius unumquodque vel maiusculum vel minusculum scriptum 
cuiusvis argumenti indicant, veluti poemata vel poematia, epistolas 
vel epistolia, orationes vel oratiunculas, cetera. Exempla sunt 1,9,13: 
T ) Ad Quint. Fr. Ill, 3, 6. 
8 ) Hanc artem pseudocriticam, qua studia Propertiana potius inhibentur 
quam promoventur, iam Broukhusius (in praef. ad Prop. p. 2) merito ex- 
agitavit, sed hodieque frustra. 
9 ) Hinc simul consequitur, etiam illam opinationem post Broukhusium 
et Burmannum ab Hertzbergio repetitam, a Bernhardyo approbatam, a 
Baehrensio adeo amplificatam, elegiam libri secundi tertiam decimam pri 
mitus in libro tertio locum habuisse posteriusque in secundum transpositam 
esse, aeque esse futilem ac somnium I.achmannianum.
	        
Top of page

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.